काठमाडौं । बेलायत भ्रमणमा रहेका प्रधान सेनापति प्रभुराम शर्मा र बेलायतका सेनाध्यक्ष जनरल प्याट्रिक सनडेसबीच शिष्टाचार भेटवार्ता भएको छ ।

उनीहरुबीच लण्डनस्थित सैनिक मुख्यालयमा भेटवार्ता भएको हो ।

भेटघाटको दौरान बेलायती सेनाध्यक्षले नेपाली सेनाको पेसागत क्षमता अभिवृद्धिमा बेलायती सेनाको सहयोग निरन्तर रहने बताए।

द्विपक्षीय सैनिक सम्बन्ध, आपसी सहयोग तथा चासोका बारेमा छल‌फल भएको उक्त भेटघाटमा सैनिक तालिम महानिर्देशक उपरथी सन्तोष कुमार ढकाल, बेलायतका लागि सैनिक सहचारी सहायक रथी रत्‍नबहादुर गोदार र नेपालका लागि बेलायती सैनिक सहचारी कोल पउल स्मिथको उपस्थिति रहेको थियो।