काठमाडौं । सहकर्मीमाथि पेट्रोल छर्किई आगो लगाएर भागेका युवकलाई प्रहरीले पक्राउ गरेको छ ।

काठमाडौं उपत्यका अपराध अनुसन्धान कार्यालय मिनभवनले उनलाई २३ गते बिहान सुन्धाराबाट पक्राउ गरेको हो ।

असोज २२ गते ललितपुरस्थित ग्वार्कोको एसबी ह्याण्ड ग्राफीमा काम गर्ने सुवास विकले सँगै काम गर्ने अरुण विकलाई पेट्रोल छर्किएर आगो लगाउँदा उनीसहित ३ जना घाइते भएका थिए । उनीहरुको अहिले किर्तिपुर बर्निङ अस्पतालमा उपचार भइरहेको छ ।

पर्सा घर भएका सुवासले सोही ठाउँका अरुणलाई आगो लगाइ फरार भएका थिए । उनलाई थप अनुसन्धानका लागि ललितपुरको प्रहरी वृत्त सातदोबाटो पठाइएको छ ।