काठमाडौं । नेपाल क्रिकेट संघ (क्यान) ले नेपाल, युएई र हङकङबीच हुने त्रिकोणात्मक टी-२० सिरिजको तालिका सार्वजनिक गरेको छ ।

क्यानको आयोजनामा कात्तिक १ गतेदेखि सुरु हुन लागेको त्रिकोणात्मक सिरिजको तालिका सार्वजनिक भएको हो ।

क्यानका अनुसार उद्घाटन खेल नेपाल र युएईबीच कात्तिक १ गते मूलपानी रंगशालामा हुनेछ। दोस्रो खेल कात्तिक २ गते नेपाल र हङकङबीच मूलपानीमै हुने क्यानले जनाएको छ।

त्यस्तै कात्तिक ४ गते नेपाल र हङकङ, कात्तिक ५ गते हङकङ र युएई, कात्तिक ६ गते नेपाल र युएई र कात्तिक ८ गते हङकङ र युएईबीच खेल हुनेछ।

दुई शीर्ष टोलीले कात्तिक १० गते फाइनल खेल्नेछ। समूहचरणको सबै खेल मूलपानीमा भए पनि फाइनल खेल भने टीयुस्थित क्रिकेट रंगशालामा हुने क्यानले जनाएको छ।