काठमाडौं । नेकपा एमालेका सांसद गोकुल बाँस्कोटाले सरकारको कुटनीतिक कमजोरी छताछुल्ल भएको बताएका छन् ।

प्रतिनिधिसभाको सोमबारको बैठकमा बोल्दै बाँस्कोटाले यस्तो बताएका हुन् । बाँस्कोटाले इजरायलमा हमासको आक्रमणमा परेका नेपाली विद्यार्थीको उद्धारमा भएको ढिलाइले सरकारको कुटनीति छताछुल्ल भएको बताए।

बाँस्कोटाले भने,‘सरकारको कुटनीति छताछुल्ल पोखिएको छ । प्रधानमन्त्री भिडियो कल गरेर लोकप्रिय काम गद्र्यै हुनुहुन्छ । समवेदना । तर त्यहाँ संकटमा फसेका नेपालीहरुको चाहाना तत्काल स्वदेश फकाईयोस् भन्नेछ ।’

उनले इजरायलले पुरै युद्धको घोषणा गरेको भन्दै त्यहाँ रहेका सबै नेपालीहरुलाई तत्काल नेपाल फर्काउन र उपचारको व्यवस्था गर्न माग गरे ।

आकस्मिक समयमा बोल्ने अधिकांश सांसदहरुले इजरायलमा संकटमा परेका नेपालीहरुको तत्काल उद्धार गर्न सरकारको ध्यानाकर्षण गराएका छन् ।