वीरगन्ज । नेकपा माओवादी केन्द्रका उपाध्यक्ष अग्नी सापकोटाले अहिले सरकार फेरबदलको सम्भावना नरहेको दाबी गरेका छन् ।

वीरगन्जमा आइतबार प्रेस सेन्टर नेपाल पर्साले आयोजना गरेको पत्रकार सम्मेलनमा उनले यस्तो बताएका हुन् ।

उनले मुख्य सत्ता घटक नेपाली कांग्रेसको नेतृत्वले पनि सरकार फेरबदल गर्न नचाहेको बताए । यस्तै प्रचण्ड नेतृत्वको सरकारलाई असफल बनाउन देशीविदेशी शक्तिहरू लागि परेको उनको भनाई छ ।

उनले वर्तमान सत्ता गठबन्धनमा कुनै दरार नरहेको जिकिर गर्दै माओवादी केन्द्र र एमालेका बीचमा कुनै तालमेल वा एकता हुने सम्भावना अहिले नरहेको स्पष्ट पारे ।