मोरङ । प्रहरीले मोटरसाइकललाई ठक्कर दिएर फरार रहेका ट्रक चालकलाई पक्राउ गरेको छ ।

असोज २ गते मोरङको कटहरी गाउँपालिका-४ चम्राही चोकमा प्रदेश १-०५००१ ख ००७७ नम्बरको ट्रकले ठक्करबाट को १३ प ३० नम्बरको मोटरसाइकललाई ठक्कर दिएको थियो।

ट्रकको ठक्करबाट गम्भीर घाइते भएका मोरङको बुढिगंगा गाउँपालिका-१ का ३५ वर्षीय चन्द्रमणी अधिकारीको उपचारका क्रममा कोशी अस्पतालमा असोज १८ गते मृत्यु भएको थियो।

घटनापछि फरार रहेका ट्रकका चालक सिराहाको कल्याणपुर नगरपालिका-१२ का ४० वर्षीय श्यामसुन्दर महतोलाई मोरङ प्रहरीले पक्राउ गरेको हो ।

पक्राउ परेका महतोविरूद्ध जिल्ला अदालतबाट सवारी ज्यान कसुरमा पाँच दिनको म्याद थप गरी अनुसन्धान अगाडि बढाइएको छ।