बाँके । बाँकेको नेपालगञ्जमा मंगलबारदेखि जारी कर्फ्यू आजदेखि खुकुलो पारिने भएको छ ।

जिल्ला सुरक्षा समितिको बैठकले बिहीबार बिहान ९ बजेदेखि साँझ ५ बजेसम्म कर्फ्यू खुला गर्ने निर्णय गरेको हो ।

सहायक प्रमुख जिल्ला अधिकारी टोपेन्द्रबहादुर केसीका अनुसार बेलुकी भने कर्फ्यू जारी रहनेछ ।

बिहीबारको अवस्थालाई हेरेर शुक्रबारका लागि निर्णय गरिनेछ । मंगलबार हिन्दु र मुस्लिम समुदायबीच तनाव बढेपछि स्थानीय प्रशासनले कर्फ्यू लगाएको थियो ।