काठमाडौं । नेपालमा कोरोना भाइरस संक्रमणबाट थप एक जनाको मृत्यु भएको छ । वीरगञ्जस्थित नारायणी अस्पताल, अस्थायी कोरोना विशेष गण्डक अस्पतालमा उपचारत ६८ वर्षका वृद्धको बुधबार मृत्यु भएको हो ।

गत बुधबार भर्ना भएका वीरगन्ज वडा नम्बर ७ निवासी वृद्धको एक सातापछि आज मृत्यु भएको नारायणी अस्पतालका मेडिकल सुपरिटेन्डेन्ट मदन उपाध्यायले जानकारी दिए।

योसँगै पर्सामा कोरोना संक्रमणबाट मृत्यु हुनेको संख्या ६ पुगेको छ । नेपालमा अहिलेसम्म ४९ जनाको मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । ६८ वर्षका वृद्धको मृत्युसँगै नेपालमा मृतकको संख्या ५० पुगेको छ ।