काठमाडौं । प्रधानमन्त्री पुष्पकमल दाहाल ‘प्रचण्ड’ले नेपाल र चीनलाई रेलले जोड्ने नेपालीहरूको साझा सपना भएको बताएका छन् ।

चीन भ्रमणका क्रममा प्रधानमन्त्री प्रचण्डले चीन र नेपाल रेल परियोजना नेपालीहरूको साझा सपना भएको बताएका हुन् ।

प्रधानमन्त्री प्रचण्डले चीन र नेपालबीचको रेल परियोजना छिटोभन्दा छिटो निर्माण भएको देख्न चाहेको बताए। उक्त परियोजना नेपालका लागि पारवहन र व्यापारिक विविधताका लागि महत्त्वपूर्ण हुने पनि प्रधानमन्त्री प्रचण्डको भनाइ छ ।

प्रधानमन्त्री प्रचण्डले भने, ‘यस परियोजनाको मुख्य चिन्ता भनेको हामीले यसलाई कहिलेसम्म तयार गर्छौं भन्ने नै हो । यस परियोजनाका लागि पर्याप्त स्रोत आवश्यक पर्छ जसलाई नेपाल एक्लैले वहन गर्न सक्दैन ।’

उनले यस परियोजनाका लागि ऋणको आकार र सर्तहरू नेपालले व्यवस्थापन गर्नसक्ने खालको हुनुपर्ने पनि बताए। प्रधानमन्त्री प्रचण्डले रेल परियोजनाका लागि सम्भाव्यता अध्ययन भइरहेको र छिट्टै त्यसको रिपोर्ट आउने पनि बताए ।