काठमाडौं । नेकपा एमालेका उपाध्यक्ष सुरेन्द्र पाण्डे र राप्रपा नेपालका अध्यक्ष कमल थापाले फुटपाथ व्यवसायीको पक्षमा आन्दोलन गरिरहेका ‘ई’को पक्षमा ऐक्यबद्धता जनाएका छन् ।

फुटपाथ व्यवसायीको पक्षमा आन्दोलन गरिरहेका ‘ई’को पक्षमा ऐक्यबद्धता जनाउन एमाले उपाध्यक्ष पाण्डे र कमल थापा राष्ट्रिय सभागृह पुगेका हुन् ।

पूर्वअर्थमन्त्रीसमेत रहेका पाण्डेले मंगलवार बिहान सभागृह पुगेर ‘ई’को आन्दोलनमा ऐक्यबद्धता जनाए।

यसअघि ‘ई’लाई भेट्न काठमाडौं महानगरपालिकाकी उपमेयर सुनीता डंगोल पनि राष्ट्रिय सभागृह अगाडि पुगेकी थिइन् ।

अभियन्ता ‘ई’ महानगरको कार्यालय रहेको सभागृहको गेटमा १८९ घण्टाभन्दा बढी समयदेखि उभिइरहेका छन् ।