चितवन । चितवनको माडी नगरपालिकामा रहेको बैकुण्ठे तालमा डुबेर एक युवकको मृत्यु भएको छ ।

भरतपुर महानगरपालिकास्थित नेपाल एसबिआई बैंकमा कार्यरत ३५ वर्षीय विजय तिमिल्सिनाको शनिबार नुहाउने क्रममा तालमा डुबेर मृत्यु भएको हो ।

जिल्ला प्रहरी कार्यालय चितवनका प्रहरी नायब उपरीक्षक विजयराज पण्डितका अनुसार शनिबार दिउँसो साथीहरूसँग घुम्न गएका तिमिल्सिना नुहाउने क्रममा डुबेका थिए।

दिउँसो नुहाउने क्रममा बेपत्ता भएका उनको शव शनिबार साँझ भेटिएको प्रहरीले जनाएको छ ।