काठमाडौं । नेपाली कांग्रेसको केन्द्रीय समिति बैठक आजदेखि बस्दैछ । यसअघि २ असोजका लागि तय भएको बैठक आजदेखि पार्टी कार्यालय सानेपामा शुरू हुन लागेको हो ।

बैठकमा समसामयिक राजनीति, आन्तरिक पार्टी संरचनालगायत विषयमा छलफल हुने कांग्रेसले जनाएको छ ।

बस्ने बैठकमा पार्टीबाट सरकारका सहभागी मन्त्रीले गरेका काम कारबाहीबारे समीक्षा हुनेछ । त्यस्तै बैठकले महासमिति बैठकको एजेण्डा तय गर्नेछ । कांग्रेसले आगामी मंसिर १३, १४ र १५ गतेका लागि महासमिति बैठक बोलाएको छ ।

२०७८ मंसिर–पुस सम्पन्न १४ औं महाधिवेशनमा नेतृत्व मात्र चयन गरेको कांग्रेसले आगामी महासमिति बैठकमाथि नीति तय गर्नेछ । यसअघि कांग्रेसको केन्द्रीय समिति बैठकले दुईरदुई महिनामा नियमित बस्ने तालिका अनुसार नै बैठक बोलाइएको थियो ।