काठमाडौं । प्रहरीले चिनियाँ नागरिक दाओजिन वाङको सीतापाइलास्थित कोठामा छापा मारेको छ ।

विद्युतीय चुरोट (भेप) मा लुकाएर गरिएको ९ किलो सुन तस्करी प्रकरणमा मुछिएका वाङको कोठामा सिआइबीले छापा मारेको हो ।

सिआइबीका अनुसार उनी सुन तस्करको समूहका सदस्य हुन् । सिआइबीले छापा मारेर केही कागजात र लकर बरामद गरेको जनामएको छ । उनी भने अनुसन्धान शुरु भएकै बेला भागेर चीन पुगेका छन् ।

हाल उक्त प्रकरणको मुद्दा विचाराधीन छ । केहीअघि सुन तस्करी प्रकरणमा माओवदी केन्द्रका नेता कृष्णबहादुर महराका छोरा राहुल पक्राउ परेका थिए । सिआइबीले सो प्रकरणको अनुसन्धान गरिरहेको छ ।