काठमाडौं । प्रधानमन्त्री पुष्पकमल दाहाल ‘प्रचण्ड’ र एमाले अध्यक्ष केपी ओलीबीच सिंहदरबारमा भेटवार्ता भएको छ ।

प्रधानमन्त्री प्रचण्डले बोलाएपछि प्रमुख प्रतिपक्षी दल एमालेका अध्यक्ष ओली प्रधानमन्त्री कार्यालय पुगेका हुन् ।

प्रधानमन्त्री र अध्यक्ष ओलीबीच संसद‍्मा पेश गर्ने विधेयकका बारेमा छलफल भएको बताइएको छ।

प्रधानमन्त्रीको आसन्न विदेश भ्रमणहरुको सेरोफेरोमा छलफल भएको हुन सक्ने बुझिएको छ ।

उनीहरूबीच पछिल्लो समसामयिक राजनीतिक विषयमा छलफल भएको बताइएको छ।