काठमाडौं । नेपाल पर्यटक यातायात व्यवसायी संघको २० औँ बार्षिक साधारणसभा १९ गते मंगलबार हुँदैछ । पूर्व अध्यक्षहरुको समर्थनमा बेदराज बास्तोलाले आफ्नो प्यानल नै घोषणा गरिसकेका छन् । बेदराज बास्तोलाको प्यानल भित्र बरिष्ठ उपाध्यक्षमा काभ्रेका सफल ब्यबसायी तथा समाजसेवी रमेश गौतम उठ्ने भएका छन ।

त्यसैगरी दित्तीय उपाध्यक्षमा बिनोद तामाङ, महासचिबमा केदारनाथ कट्टेल, सचिबमा तेज लामा, कोषाध्यक्षमा रामकुमार बस्नेत, सदस्यहरुमा टेक पुन मगर, नकुल तिमल्सिना, राम आचार्य र नबराज अर्याल सहितको टिम निर्वाचनमा होमिएको हो ।

अध्यक्षमा उम्मेदवारी दिएका बास्तोलाको प्यानललाई संघका पूर्व अध्यक्षहरुको समर्थन रहेकाले प्यानलकै जित निश्चितप्रयायः रहेको दावी बास्तोला समूहको छ । पूर्व अध्यक्षद्वय रामशरण कार्की र साङ्गे लामा, पूर्व प्रथम उपाध्यक्षत्रय सुनिल श्रेष्ठ, राजकुमार लामा र भिम गोले लगायतका अधिकंश यातायात ब्यबसायीहरुले प्यानललाइनै समर्थन गर्ने घोषणा गरिसकेका छन् ।