काठमाडौं । नेपालमा आज थप १३० जनामा कोरोना भाइरस संक्रमण पुष्टि भएको छ । योसँगै कोरोना संक्रमितको संख्या १८ हजार ६१३ पुगेको स्वास्थ्य तथा जनसंख्या मन्त्रालयले जनाएको छ ।

नियमित मिडिया ब्रिफिङमा मन्त्रालयका प्रवक्ता प्रा. डा. जागेश्वर गौतमले दिएको जानकारी अनुसार नेपालमा पछिल्लो २४ घण्टामा १३० जनामा कोरोना भाइरसको संक्रमण पुष्टि भएको छ । नेपालमा अहिलेसम्म कोरोना भाइरस संक्रमणबाट ४५ जनाको मृत्यु भएको छ ।

पछिल्लो २४ घण्टामा थप ७५ जना कोरोना संक्रमणमुक्त भएसँगै कोरोना संक्रमणमुक्त भई अस्पतालबाट डिस्चार्ज हुनेको संख्या १३ हजार १२८ पुगेको मन्त्रालयले जनाएको छ ।