काठमाडौं । नेपाली राष्ट्रिय महिला फुटबल टिमकी मुख्य फरवार्ड सावित्रा भण्डारीले एकै खेलमा चार गोल गरेकी छिन् ।

इजरायली महिला फुटबलको शीर्ष डिभिजनको पहिलो खेलमा हापोएल राननाले रमाट हशारोनलाई ४–० को फराकिलो अन्तरले हराएको हो ।

यो खेलका चार वटै गोल सावित्रा एक्लैले गरिन् । उनी प्लेअर अफ म्याच पनि बनिन् । सावित्रा नेपालबाट युरोपेली लिग खेल्ने पहिलो महिला खेलाडीका रुपमा गएको महिना इजरायल गएकी थिइन् ।

उनले इजरायलको लिगमा उत्कृष्ट प्रदर्शन गरिरहेकी छिन् ।