एजेन्सी । इंग्लिस प्रिमियर लिगमा साविक विजेता म्यानचेस्टर सिटीले लगातार तेस्रो जित निकालेको छ । सिटीले आइतबार राति सम्पन्न खेलमा सेफिल्ड युनाइटेडविरुद्ध २-१ को रोमाञ्चक जित निकाल्यो ।

सिफिल्डको मैदान ब्रामल लेनमा सिटीलाई जित दिलाउन एर्लिङ हाल्यान्ड र रोड्रीले गोल गरे ।

घरेलु टिमका लागि जयडेन बोग्लेले एक गोल फर्काए । जितसँगै तीन खेलबाट नौ अंक जोडेको सिटी तालिकाको शीर्ष स्थानमा छ ।

समान खेल खेल्दा पनि अंकविहीन सेफिल्ड तालिकाको १७औं स्थानमा छ ।