एजेन्सी । वाग्नर समूहका प्रमुख येभगेनी प्रिगोजिनको मृत्यु भएको पुष्टि भएको छ ।

रुसी अधिकारीहरूले विमान दुर्घटनापछि भेटिएका शवहरूको आनुवंशिक (जेनेटिक) विश्लेषणपछि वाग्नरका प्रमुख प्रिगोजिनको मृत्यु भएको पुष्टि भएको बताएका हुन् ।

रुसको अनुसन्धान समितिले सबै १० पीडितको पहिचान स्थापित भइसकेको र यात्रु सूचीमा रहेका सबै १० जनासँग मेल खाने जनाएको छ ।

२४ अगस्ट साँझ रुसको टभर सहरमा भएको विमान दुर्घटनामा १० जनाको मृत्यु भएको थियो ।