काठमाडौं । ललितानिवास जग्गा प्रकरणमा पक्राउ परेका भाटभटेनी सुपर मार्केटका सञ्चालक मीनबहादुर गुरुङले भाटभटेनीको नाममा ५ रोपनी जग्गा किनेको बयान दिएका छन् ।

ललिता निवासको ११३ रोपनी भन्दा धेरै सरकारी जग्गा प्रकरणमा सीआईबीले लिएको बयानका क्रममा गुरुङले ५ रोपनी जग्गा किनेको स्वीकारेका हुन् ।

तर उनले त्यो जग्गा सरकारी भएको थाहा नभएको बताए ।

उनले भनेका छन् ‘म, मेरो परिवारका सदस्यहरू र कम्पनीसमेतको स्वामित्वमा करिब २४ रोपनी जग्गा बाँकी छ, खरिद गरेको जग्गाको मूल्य चुक्ता गरेर सरकारलाई नियमानुसार बुझाउनुपर्ने राजश्व बुझाइ मेरो नाममा खरिद गरेर लिएको हुँ ।’