कैलाली । सुदूरपश्चिम प्रदेशका ७ पहाडी र २ तराईका जिल्ला जोड्ने प्रमुख सडक, भीमदत्त राजमार्ग आज ६ घण्टा बन्द हुने भएको छ।

कैलालीको गोदावरी नगरपालिका–४ बुढीतोला क्षेत्रमा सडक मर्मतका लागि राजमार्ग ६ घण्टा बन्द गरिन लागिएको हो ।

सडक डिभिजन कार्यालय कञ्चनपुरले मध्याह्न १२ बजेदेखि साँझ ६ बजेसम्म सडक बन्द हुने जानकारी दिएको छ।

बुढीतोला क्षेत्रमा साउन २२ गते पहिरो जाँदा ५०० मिटर सडक भास्सिएको थियो ।