काठमाडौं । इंग्ल्याड फिफा महिला विश्वकप फुटबलको फाइनलमा प्रवेश गरेको छ ।

आयोजक अष्ट्रेलियालाई ३–१ ले पराजित गर्दै इंग्ल्याड फाइनलमा प्रवेश गरेको हो ।

यसअघि ३ पटकसम्म सेमिफाइनलमै सिमित भएको इंग्ल्याडले पहिलो पटक फाइनलको यात्रा तय गरेको छ। खेलको पहिलो हाफको ३६ औं मिनेटमा गोल गर्दै इंग्ल्याडले १–० को अग्रता बनाएको हो ।

तर ६३ औं मिनेटमा पेनाल्टी बक्स बाहिरबाट इंग्ल्याडका २ वटा डिफेन्डरलाई बिट गर्दै स्याम किरले अष्ट्रेलियाको लागि गोल फर्काइन् । अष्ट्रेलियाले गोल फर्काएको ७ मिनेटमा इंग्ल्याडकी लरेन हेम्पले पेनाल्टी बक्स भित्र डिफेन्डरको ट्याकललाई विफल पार्दै गोल गरिन् ।

एलेसिया रुसोले ८६ औं मिनेटमा अर्को गोल गर्दै इंग्ल्याडलाई ३–१ ले जिताउँदै फाइनलको दिशा देखाएकी हुन् ।

मिडफिल्डबाट आएको बललाई दाँया कर्नरबाट प्रहार गर्दै दोस्रो बार नजिक उनले गोल गरेकी थिइन् ।

इंग्ल्याडले फाइनलमा स्पेनसँग खेल्नेछ । फाइनल खेल भदौ ३ गते हुनेछ ।