रौतहट । रौतहटमा बलात्कारको आरोपमा फरार एकजना पक्राउ परेका छन् ।

चार महिनाअघि गाउँकै महिलालाई बलात्कार गरेको आरोप लागेका रंजीत साह तेलीलाई राजपुर नगरपालिका–५ स्थित राजपुर फरहदवा टोलबाट प्रहरीले पक्राउ गरेको हो ।

जिल्ला प्रहरी कार्यालय रौतहटका अनुसार उनलाई उनकै होटेलबाट सोमबार साँझ पक्राउ गरिएको छ । पक्राउ परेका तेलीलाई मंगलबार जिल्ला अदालतमा उपस्थित गराइएको छ ।

बलात्कारको आरोपमा किटानी जाहेरी परेपछि उनी फरार रहेका थिए । उनीमाथि रौतहट प्रहरीले थप अनुसन्धान थालेको छ ।