काठमाडौं । प्रधानमन्त्री पुष्पकमल दाहाल ‘प्रचण्ड’ भदौ ३० गते अमेरिका जाने भएका छन्।

प्रधानमन्त्री प्रचण्डले संयुक्त राष्ट्रसंघको ७८औं महासभामा भाग लिन पहिले अमेरिका जाने र त्यहीँबाट सिधै चीन भ्रमणमा जाने जानकारी दिएका हुन्।

राष्ट्रसंघको महासभा अमेरिकाको न्युयोर्कमा हुँदै छ । महासभामा भाग लिन प्रचण्ड भदौ ३० गते (सेप्टेम्बर १६) अमेरिका जानेछन् ।

प्रधानमन्त्री प्रचण्डले संयुक्त राष्ट्रसंघको महासभामा सम्बोधन गर्ने छन्। असोज ४ गते उनी त्यहीँबाट (२१ सेप्टेम्बर)मा चीन जानेछन् ।

बेइजिङमा हुँदा प्रधानमन्त्री प्रचण्डले चिनियाँ राष्ट्रपति सी चिनफिङसँग दुई पक्षीय वार्ता गर्नेछन्।