काठमाडौं । कोशी प्रदेश सरकारमा जनता समाजवादी पार्टीकी सांसद निर्मला लिम्बूले स्वास्थ्य मन्त्री बनेकी छन्।

लिम्बूलाई प्रदेश प्रमुख पर्शुराम खापुङले शुक्रबार पद तथा गोपनियताको सपथ खुवाएका हुन्।

लिम्बूले शुक्रबार नै प्रदेश प्रमुख पर्शुराम खापुङबाट पद तथा गोपनीयताको शपथ लिएकी लिएकी छन्।

कोसीको ९३ सदस्यीय प्रदेशसभा (संसद)मा लिम्बू जसपाबाट एक्ली सांसद हुन्। उनी दोस्रोपटक प्रदेशको मन्त्री बनिन्।

यसअघि नेकपा (एमाले) प्रदेश संसदीय दलका नेता हिक्मतकुमार कार्की नेतृत्वको सरकारमा पनि उनी स्वास्थ्य मन्त्री थिइन्।

यसअघि सत्ता गठबन्धनका दलहरू कांग्रेस , माओवादी , एकीकृत समाजवादीबाट एक/एक जना मन्त्री नियुक्त भैसकेको प्रदेशमा आज जसपा पनि सामेल भएको हो।