काठमाडौं । महान्यायाधिवक्ता दिनमणि पोखरेल र प्रहरी महानिरीक्षक बसन्त बहादुर कुँवरबीच छलफल भएको छ ।

बालुवाटारस्थित ललिता निवासको सरकारी जग्गा हिनामिना प्रकरणका विषयमा उनीहरुबीच आइतबार छलफल भएको हो ।

छलफलमा आवश्यक देखिए पूर्वप्रधानमन्त्रीहरुलाई पनि अनुसन्धानको दायरामा ल्याउन महान्यायाधिवक्ता पोखरेलले निर्देशन दिएको बताइएको छ ।

आइतबार कुमार चुडाल र अनिलकुमार सिन्हाको इजलासले मन्त्रिपरिषद्को निर्णयमाथि पनि अनुसन्धान गर्न आदेश दिएको थियो ।