काठमाडौं । सामाखुसीमा खोलामा खसेर बेपत्ता भएका बालकको शव भेटिएको छ ।

साउन ७ गते बाढीले बगाउँदा बेपत्ता भएका १३ वर्षीय बालक साजन मगर ११ दिनपछि मृत अवस्थामा भेटिएका हुन् ।

सामाखुशी खोलाको बाढीमा बगेका १३ वर्षीय बालक मगरको शव ११ दिनपछि भेटिएको जिल्ला प्रहरी परिसर काठमाडौंले जनाएको छ ।

प्रहरी वृत्त कीर्तिपुरको टोलीले दक्षिणकालीमा बागमती नदीको किनारमा शव भेटेको हो । स्थानीय वासिन्दाले शव देखेपछि प्रहरीलाई खबर गरेका थिए । साजन भानुभक्त मेमोरियल स्कुलमा कक्षा ६ मा पढ्थे ।