काठमाडौं । विहिबारराती भएको एल क्लासिको भिडन्तमा पराजित भएर एक स्थान तल झरेको बार्सिलोनालाई गएरातीको खेलमा भने कप्तान लिओनल मेस्सीले हारबाट जोगाएका छन् ।

स्पानिस ला लिगामा मेस्सीको एकमात्र गोलमा बार्सिलोनाले रियल सोसिडाडलाई पराजित गरेको हो ।

शनिबार राति भएको खेलमा बार्सिलोनाले सोसिडाडलाई १–० ले पराजित गरेको हो । बार्सिलोनाको लागि मेसीले ८१ औं मिनेटमा पेनाल्टीबाट गोल गरेका हुन् ।

जितपछि बार्सिलोना रियल मड्रिडलाई २ अंकले पछि पार्दै शीर्ष स्थानमा उक्लेको छ । बार्सिलोनाले २७ खेलबाट ५८ अंक जोडेको छ भने एक खेल कम खेलेको रियलको ५६ अंक छ ।

उता, एट्लेटिको मड्रिड र सेभियाले २–२ को बराबरी खेल्दै अंक बाँडेका छन् । २७ खेलबाट ४७ अंक जोडेको एट्लेटिको तेस्रो स्थानमा छ । समान खेलबाट ४५ अंक जोडेको सेभिया पाँचौं स्थानमा छ ।