काठमाडौं । प्रमुख प्रतिपक्षी दल नेकपा एमाले संसदीय दलका सचेतक महेश बर्तौलाले सुन तस्करीबारे अध्ययन गर्न समिति नबनाए संसद् चल्न नदिने बताएका छन् ।

सचेतक बर्तौलाले सुन तस्करी प्रकरणको अनुसन्धान गर्न उच्चस्तरीय छानबिन आयोग गठन प्रक्रिया अघि नबढाए संसद् चल्न नदिने एमालेको अडान कायमै रहेको बताएका हुन् ।

प्रतिनिधि सभा बैठकको तयारीका लागि बसेको कार्यव्यवस्था तथा परामर्श समितिको बैठकमा दलको अडान कायम राखेको उनले बताए ।

प्रतिनिधिसभा बैठक दिउँसो १ बजेका लागि बोलाइए पनि कार्यव्यवस्था समितिको बैठक लम्बिएकाले सुरू भएको छैन।

सुन प्रकरणबारे संसदीय समिति बनाउन माग गर्दै एमालेले प्रतिनिधिसभा अवरोध गरिरहेको छ।