काठमाडौं । अविरल वर्षाका कारण बाढी पूर्वानुमान महाशाखाले एक सूचना सूचना जारी गरी नेपालका मुख्य र तिनका सहायक नदीमा बहाव खतराको सूचकमाथि जाने भएको जानकारी गराउँदै सतर्क हुन आग्रह गरेको छ ।

महाशाखाद्वारा आज (मंगलबार) विहान जारी गरिएकाे सूचनामा नारायणी र सोका सहायक नदीमा बहाव खतराको संकेतभन्दा माथि हुने जनाइएको छ।

यसैगरी कोशी नदीको बहाव पनि खतराको संकेत नजिक हुने महाशाखाको भनाई छ ।

यसकासाथै कनकाई, कमला, बागमती तिनाउ, पूर्वि राप्तीमा नदीको स्तर खतराको बिन्दु आसपास हुने भएकाले तटिय क्षेत्रका वासिन्दालाई सतर्क रहन आग्रह गरेको छ ।