काठमाडौं । फोटो पत्रकार पूर्णिमा श्रेष्ठले पाकिस्तानको सबैभन्दा अग्लो हिमाल केटूको सफल आरोहण गरेकी छन् ।

विश्वका ८ हजार मिटरमाथिका अग्ला हिमालको सफल आरोहण गर्ने अभियानमा लागेकी श्रेष्ठले केटूको सफल आरोहण गरेकी हुन् ।

उनी ८ हजार ६११ मिटर उचाइको केटुको आरोहणका लागि गत जेठ २४ गते पाकिस्तान गएकी थिइन्। केटू विश्वकै दोस्रो सबैभन्दा अग्लो हिमाल हो जसको उचाइ ८ हजार ६ सय ११ मिटर रहेको छ ।

यसअघि उनले नेपालमा रहेका ८ हजार मिटर उचाइका ७ वटा हिमाल आरोहण गरिसकेकी छन् ।