पाँचथर । मेची राजमार्ग स्थित पाँचथरको फिदिम २ कृष्ण मन्दिर नजिकै भएको ट्याक्सी दुर्घटनाममा परी घाइते भएकामध्ये थप एकजनाको मृत्यु भएको छ ।

उपचारका लागि झापा लगिएकी फिदिम नगरपालिका–१० याङनाम की ४० वर्षीया सविना विकको गए राति मृत्यु भएको जिल्ला प्रहरी कार्यालयले जनाएको छ ।

मंगलबार दिउँसो मेची राजमार्गमा झापाबाट पाँचथरतर्फ जाँदै गरेको मे १ ज १९४१ नम्बरको जिप दुर्घटना भएको थियो ।

दुर्घटनामा चालकसहित १२ जना घाइते भएका थिए । घाइतेहरुमध्ये पाँच जनाको झापामा र बाँकीको फिदिम अस्पतालमा उपचार भइरहेको छ ।