काठमाडौं । यौनजन्य नाममा वेबसाइट ठेगाना आएको भन्दै इन्डोनेसियाले सामाजिक सञ्जाल प्लेटफर्म ट्वीटरको वेबसाइटलाई प्रतिबन्ध लगाएको छ ।

ट्वीटरको वेबसाइटलाई परिवर्तन गरेर ‘एक्स डटकम’ बनाएसँगै इन्डोनेसियाले उक्त डोमेन प्रतिबन्ध लगाएको हो ।

इन्डोनेसियाका सञ्चार तथा सूचना प्रविधि मन्त्रालयका प्रवक्ता उसमान कानसोङले ट्वीटरको उक्त डोमेनले पहिले पोर्न साइटको रूपमा रहेका वेबसाइटको झल्को दिएको आरोप लगाएको अन्तर्राष्ट्रिय सञ्चारमाध्यमले उल्लेख गरेका छन् ।

अमेरिकी अर्बपति, ट्वीटरका सीईओ एलन मस्कले केहीदिनअघि मात्रै लोगो परिवर्तन गरेर निलो चराको स्थानमा अंग्रेजी अक्षर ‘एक्स’ राखेका हुन् ।

ट्विटरको नयाँ लोगोले प्रयोगकर्ताहरुको राम्रो रेस्पोन्स भने पाइरहेको छैन । उनले अन्तरिक्ष कम्पनीको नाम पनि स्पेस एक्स नै राखेका छन् ।