काठमाडौं। भाजपाको निमन्त्रणामा भारतको दिल्ली पुगेका सत्तारुढ नेकपा (माओवादी केन्द्र) का नेताहरुले आज ऋषिकेशमा गंगा आरती गर्ने भएका छन् ।

माओवादी नेताहरु देहरादुन पुगेर साँझ ऋषिकेशमा गंगा आरतीमा सहभागी हुने जनाईएको छ । साथै आरती सकिएलगत्तै भाजपाका नेताहरुसँग डिनर–मिटिङमा सहभागी हुनेछन् ।

माओवादीका उपाध्यक्ष पम्पा भुसालको नेतृत्वमा पाँच सदस्यीय टोली साउन ७ गते दिल्ली पुगेको थियो ।

माओवादीका नेताहरु दुई दिनसम्म देहरादुनमा रहने र साउन १२ गते नेपाल फर्किने कार्यक्रम रहेको बताइएको छ ।