गोरखा । पहिरोले पुरिएर गोरखामा एक महिलाको मृत्यु भएको छ। गण्डकी गाउँपालिका ४, फुजेल कौदीकी ३६ वर्षीया लक्ष्मी गुरुङको मृत्यु भएको स्थानीय कृष्ण दवाडीले जानकारी दिए।

सोमबार दिउँसो १२:३० बजे बाख्राको खोरसँगै झरेको पहिरोले बगाएर गुरुङको मृत्यु भएको प्रहरीले जनाएको छ। खोरमा रहेका आठ बाख्रा पनि पुरिएर मरेका छन्।

त्यस्तै बारपाक सुलीकोट गाउँपालिका ४ नालपाङ जौबारीका काम गुरुङ र बिसन गुरुङको घर पनि पहिरोले बगाएको वडा अध्यक्ष भीमबहादुर गुरुङले बताए।