पाँचथर । मेची राजमार्ग स्थित पाँचथरको फिदिम २ कृष्ण मन्दिर नजिकै ट्याक्सी दुर्घटना हुँदा एकजनाको मृत्यु भएको छ भने १३ जना घाइते भएका छन् ।

मंगलबार दिउँसो मेची राजमार्गमा झापाबाट पाँचथरतर्फ जाँदै गरेको मे १ ज १९४१ नम्बरको जिप दुर्घटना भएको हो ।

मृतकको पहिचान हुन बाँकी रहेको प्रहरीले जनाएको छ। दुर्घटनामा परी घाइते भएका उनको पाँचथर अस्पतालमा उपचारको क्रममा मृत्यु भएको हो।

दुर्घटनामा परी घाइते भएकाहरूलाई उपचारका लागि जिल्ला अस्पतालमा भर्ना गरिएको छ । उनीहरूमध्ये तीन जनाको अवस्था गम्भीर रहेको प्रहरीले जनाएको छ । दुर्घटनाको विस्तृत विवरण आउन बाँकी छ।