काठमाडौं । सत्तारुढ दल नेकपा माओवादी केन्द्रका नेताहरूले सोमबार दिल्लीस्थित भारतीय सत्तारुढ पार्टी भाजपाको केन्द्रीय कार्यलयमा भाजपा नेताहरूसँग छलफल गरेका छन् ।

माओवादी उपाध्यक्ष पम्फा भुसालको नेतृत्वमा रहेको प्रतिनिधिमण्डलले भाजपा महिला मोर्चाकी राष्ट्रिय उपाध्यक्ष दर्शना सिंहसँग भाजपा कार्यालयमा छलफल गरेका हुन् ।

उक्त वार्तामा महिला मोर्चाले सुरुवात गरेको केही महत्वपूर्ण कार्यक्रमहरूबारे माओवादी प्रतिनिधिमण्डललाई जानकारी गराइएको थियो । यस्तै माओवादी प्रतिनिधिमण्डल र भाजपा युवा मोर्चाका राष्ट्रिय अध्यक्ष तथा लोकसभा सांसद तेजस्वी सूर्याबीच पनि अन्तर्क्रिया भएको छ ।

भारतको सत्तारुढ दल भारतीय जनता पार्टी भाजपाको निमन्त्रणामा माओवादी प्रतिनिधिमण्डल आइतबार भारत भ्रमणमा गएको हो ।