काठमाडौं । नेपाली कांग्रेसका महामन्त्री विश्वप्रकाश शर्माले सभापति शेरबहादुर देउवालाई आलोचना र गाली गरेको नभएर सुझाव मात्र दिएको बताएका छन् ।

केन्द्रीय समितिको बैठकलाई सम्बोधन गर्दै महामन्त्री शर्माले पार्टी बैठकमा सभापतिलाई गाली गरेको भन्ने टिप्पणीको जवाफ दिदै पार्टी विधान अनुसार अगाडी बढाउन सुझाव दिएको बताएका हुन् ।

महामन्त्री शर्माले सभापति देउवालाई आफ्ना गल्ति सुधार गर्न र पार्टीलाई विधानको व्यवस्था अनुसार संचालन गर्न आग्रह गरेका छन् ।

उनले आफूहरूले बोलेको कुरा सभापतिलाई खुइल्याएको रूपमा अर्थ लगाउन नहुने भन्दै आफूले कमजोरी गरेको भए मुस्कुराएर आत्मसाथ गर्ने बताए ।

आफूले अन्य दलको ब्राण्डीङ नगरौँ मात्र भनेको जिकिर गरे । शर्माले बैठकमा केन्द्रीय सदस्यले उठाएका विभिन्न प्रश्नको समेत जवाफ दिएका छन् ।