काठमाडौं । नेकपा (एकीकृत समाजवादी) को कार्यवहाक अध्यक्षको जिम्मेवारी उपाध्यक्ष राजेन्द्र पाण्डेलाई दिइएको छ ।

अध्यक्ष माधवकुमार नेपालले एक साता लामो इन्डोनेसिया भ्रमणमा जानुअघि पाण्डेलाई कार्यवहाकको जिम्मेवारी दिएका हुन् ।

अध्यक्ष नेपाल पोलिटिकल समिटमा सहभागी हुन आइतबार राति इन्डोनेसिया प्रस्थान गरेका छन् ।

नेपाल केही दिनअघि श्रीलंका भ्रमण गरेर फर्किएका थिए ।