दैलेख । दैलेखमा सिंचाई गर्न निर्माण गरिएको पोखरीमा डुबेर दुई बालिकाको मृत्यु भएको छ ।

मृत्यु हुनेमा चामुण्डाविन्द्रासैनी नगरपालिका–३ पानी खोला गाउँ बस्ने बमबहादुर खप्तडीकी छोरी ५ वर्षीया सपना खप्तडी र सोही ठाउँकी लिला खप्तडीकी छोरी ८ वर्षीया बिपना रहेका छन् ।

बिहीबार साँझ ६ बजेतिर घरदेखि झण्डै ५० मिटर टाढा रहेको सिंचाई पानी पोखरी नजिकै खेल्ने क्रममा दुबै बालिकाको डुबेर मृत्यु भएको जिल्ला प्रहरी कार्यालय दैलेखले जनाएको छ ।

प्रहरीका अनुसार उनीहरुको शव पोस्टमार्टमका लागि दुल्लु अस्पतालमा राखिएको छ ।