काठमाडौं । संघीय मामिला तथा सामान्य प्रशासन मन्त्रालयले समायोजन भएका कर्मचारीलाई फिर्ता पठाउन रोक लगाएको छ ।

स्थानीय तहहरूले समायोजन भएर गएका कर्मचारीलाई धमाधम फिर्ता पठाउन थालेपछि मन्त्रालयले त्यसमा रोक लगाएको हो ।

कर्मचारी समायोजन ऐन २०७५ बमोजिम विभिन्न स्थानीय तहमा समायोजन तथा समायोजन मिलान भई कार्यरत केही कर्मचारीलाई कतिपय स्थानीय तहले विभिन्न बहानामा फिर्ता पठाएपछि रोक लगाउनु परेको मन्त्रालयले जनाएको छ ।

मन्त्रालयले मङ्गलवार ७५३ वटै स्थानीय तहलाई एकमुष्ट सम्बोधन गर्दै कार्यरत कर्मचारीलाई फिर्ता नगर्न भनेको हो ।