काठमाडौं । नेपाली कांग्रेसकी केन्द्रीय सदस्य सीतादेवी देवकोटाले सभापतिलाई कमजोर बनाएर पार्टी बलियो नहुने तर्क राखेकी छिन् ।

आज (बुधबार) पार्टीको केन्द्रीय समिति बैठकलाई सम्बोधन गर्दै उनले पार्टी कमजोर बनाउने छुट कसैलाई पनि नरहेको बताएकी हुन् ।

उनले भनिन्, ‘सभापति व्यक्ति होइन,’संस्था हो । सभापतिलाई गालि गर्ने छुट कसैलाई छैन । सभापतिलाई कमजोर बनाउँदा पार्टी कमजोर हुनसक्छ ।’

गौरवमय इतिहास बोकेको कांग्रेस पार्टी अहिलेको पुस्ताको लागिमात्रै नभएर आउने पुस्ताको लागि पनि संरक्षण गर्नुपर्ने उनको भनाई छ ।

त्यस्तै उनले भ्रष्टचारीलाई कारबाही गरेको कारणले माओवादीले कांग्रेसलाई छोड्न सक्ने चर्चासँगै वर्तमान सरकार परिवर्तन हुने हल्ला व्यापक सुनेको सभापति शेरबहादुर देउवालाई सुनाइन् ।