काठमाडौं । पूर्वराष्ट्रपति विद्यादेवी भण्डारीले प्रदर्शनरत फिल्म ‘बगान’ हेरेकी छन् । उनले मंगलबार बेलुका सिभिल मलस्थित हलमा आयोजित विशेष शोमा फिल्म हेरेकी हुन् ।

सरोज खनालको डेब्यु निर्देशन रहेको फिल्मले एकल महिलाको पुनर्विवाहको कथा देखाएको छ । समय बसेर फिल्म हेरेपछि पूर्वराष्ट्रपति भण्डारीले फिल्मले समाजमा सकारात्मक सन्देश दिएको बताईन् ।

साथै अभिनेता मदनकृष्ण श्रेष्ठ, हरिवंश आचार्य, निर्देशक तुलसी घिमिरे, पूर्वडीआईजी रमेश खरेल, संविधानविद् भीमार्जुन आचार्यले पनि पूर्वराष्ट्रपतिसँगै फिल्म हेरेका थिए ।

लचित्र ‘बगान’मा करिश्मा मानन्धर, आकाश श्रेष्ठ, प्रमिला कार्की, नीर शाह, बसुन्धरा भुसाल र मिथिला शर्मा लगायतको अभिनय छ। फिल्ममा एकल महिलालाई समाजले हेर्ने दृष्टिकोण र एकल महिलाको विवाहको प्रसंगलाई चित्रण गरिएको बताईएको छ ।