काठमाडौं। १८ वर्षपछि फेरि सुपरहिट भएको गीत ‘बादल वर्षा बिजुली’को नयाँ भिडिओ बनेको छ।

२०६२ सालमा बनेको फिल्म ‘कर्तव्य’ मा समावेश ‘बादल वर्षा बिजुली’ बोलको गीतमा कलाकारदेखि सर्वसाधारणले टिकटक बनाएपछि फेरि नयाँ भर्सन बनाइएको हो।

गीतका सर्जकले सोमबार काठमाडौंमा एक कार्यक्रम गर्दै गीतको नयाँ भिडिओ सार्वजनिक गरेका हुन् ।

गायक आनन्द कार्की र गायिका प्राश्ना शाक्यले पुनः स्वर भरेका छन्। सुब्रत आचार्यले निर्देशन गरेको म्युजिक भिडिओमा विजु पार्की र कविता नेपालीको नृत्य देख्न सकिन्छ।