काठमाडौं । प्रधानमन्त्री पुष्पकमल दाहाल ‘प्रचण्ड’की पत्नी सीता दाहालको श्रद्धाञ्जली सभाको आयोजना गरिएको छ ।

प्रधानमन्त्री निवास बालुवाटारमा मंगलवार श्रद्धाञ्जली कार्यक्रम आयोजना गरिएको हो । कार्यक्रममा उपराष्ट्रपति रामसहाय यादव, प्रधानन्यायाधीश हरिकृष्ण कार्की, सभामुख देवराज घिमिरे, राष्ट्रिय सभा अध्यक्ष गणेश तिमल्सिनालगायत सहभागी छन् ।

यस्तै कांग्रेसका सभापति शेरबहादुर देउवा, नेकपा एकीकृत समाजवादीका अध्यक्ष माधव नेपाल, पूर्वप्रधानमन्त्री डा.बाबुराम भट्टराई, मन्त्रिपरिषद्का पूर्वअध्यक्ष खिलराज रेग्मीलगायत सहभागी छन् ।

राजनीतिक दलका नेता, मन्त्री, सांसद र सरकारी अधिकारीहरू श्रद्धाञ्जली सभामा उपस्थित छन् । प्रचण्ड पत्नी सीताको असार २७ गते निधन भएको थियो । सातौं दिनको दिन श्रद्धाञ्जली कार्यक्रम राखिएको हो ।