काठमाडौं । लागूऔषध खैरो हेरोइनसहित प्रहरीले एक जनालाई पक्राउ गरेको छ ।

प्रहरीले ४८ ग्राम खैरो हेरोइनसहितसहित भारत सुपौल भगवानपुर–११ बस्ने २१ वर्षीय रोशन कुमार पासवानलाई सोमवार थानकोटबाट पक्राउ गरेको हो ।

प्रहरी प्रभाग नागढुंगा र लागू औषध नियन्त्रण ब्यूरोबाट संयुक्त रूपमा खटिएको प्रहरी टोलीले पासवानलाई पक्राउ गरेको थियो ।

झापाबाट काठमाडौंतर्फ आउँदै गरेको प्र ०२-००१ ख ५५४९ नम्बरको बसलाई जाँच गर्ने क्रममा पासवान लागूऔषधसहित पक्राउ परेका हुन् ।