काठमाडौं । नेपाली कांग्रेसका पदाधिकारी र पूर्वपदाधिकारीको बैठक आज बस्दैछ ।

सभापति शेरबहादुर देउवाले आफ्नै निवास धुम्बाराहीमा आज दिउँसो २ बजे बस्ने गरी बैठक बोलाएका हुन् ।

कांग्रेसको साउन २ गतेबाट केन्द्रीय समिति बैठक बस्दै छ । सोही बैठकको एजेन्डा तय गर्न बैठक बस्न लागेको बताइएको छ ।
लामो समयपछि बस्न लागेको केन्द्रीय समिति बैठकको एजेन्डालाई फाइनल गर्न बैठक बोलाइएको हो ।

गएको वर्ष साउन २७ देखि असार २ गतेसम्म कांग्रेसको केन्द्रीय समिति बैठक बसेको थियो ।