काठमाडौं । नेपाली कांग्रेसका सभापति शेरबहादुर देउवा र अमेरिकी सहायक विदेशमन्त्री डोनाल्ड लुबीच भेटवार्ता भएको छ ।

एक दिने भ्रमणको क्रममा शुक्रबार बिहान काठमाडौं आइपुगेका सहायक विदेशमन्त्री लुले सभापति देउवासँग भेटवार्ता गरेका हुन्।

विदेशमन्त्री लु सभापति देउवालाई भेट्न शुक्रबार धुम्बाराहीस्थित देउवाको निवासमा पुगेका थिए ।

भेटमा नेपाल-अमेरिका सम्बन्धलाई थप मजबुत बनाउने विषयमा छलफल भएको छ ।

मन्त्री लुले प्रधानमन्त्री पुष्पकमल दाहाल प्रचण्ड र परराष्ट्र मन्त्री एनपी साउद र प्रतिपक्षी दलका नेता केपी ओलीसँग भेट गर्ने कार्यक्रम रहेको छ।