काठमाडौं । प्रतिनिधिसभा सदस्य डा. तोसिमा कार्कीले दिएको अभिव्यक्तिप्रति नेकपा (माओवादी केन्द्र) ललितपुरले गम्भीर ध्यानाकर्षण भएको जनाएको छ ।

प्रधानमन्त्री पत्नी एवम् माओवादीका केन्द्रीय सल्लाहकार सीता दाहालको निधनको घडीमा सांसद कार्कीले दिएको अभिव्यक्तिप्रति माओवादीले आपत्ति जनाएको हो ।

जिल्ला इन्चार्ज दिनेश महर्जन ९दिपेश० र संयोजक शिव कट्टेलले संयुक्त विज्ञप्ति प्रकाशित गरी सांसद कार्कीले दिएको अभिव्यक्तिप्रति गम्भीर ध्यानाकर्षण भएको जनाएका छन्।

‘उहाँको उक्त अभिव्यक्ति खेदजनक र असंवेदनशील युक्त भएको विषयमा हाम्रो निष्कर्ष रहेको छ’ विज्ञप्तिमा भनिएको छ, ‘अतः कमरेड सीता दाहालको निधनको दुःखद घडीमा तोसिमा कार्कीले दिनुभएको अभिव्यक्ति प्रति खेद प्रकट गर्दै घोर भर्त्सना गर्दछौं।’