एजेन्सी । ईशा अम्बानी पीरामलले पाँच दिन अघि नै होली पार्टीको आयोजना गरिन् । ईशाको होली पार्टीको तस्बिर अहिले इन्टरनेटमा छाएको छ । उनको यो ग्रान्ड पार्टीमा सेलिब्रिटीको पनि उपस्थिती रह्यो । बलिउड सेलिब्रिटीका साथै प्रियंका चोपडा पनि श्रीमान् निकसँग पुगिन् ।

प्रियंका र निक जोनसले पार्टीमा मज्जाले होली खेले । निक जोनसले आफ्नो इन्स्टाग्राम अकाउन्टमा होली खेलेको तस्बिर पोष्ट गर्दै निकै रमाइलो गरेको भन्दै क्याप्सन लेखेका छन् । होली खेल्न कट्रिना कैफ सेतो पहिरनमा देखिएकी थिइन् । यद्यपि, उनले पनि मज्जाले होली खेलिन् ।

कट्रिनाले होली खेलेपछि निक जोनस र प्रियंका सँग फोटोसमेत खिचाइन् । यसका साथै, उक्त पार्टीमा विकी कौशलको पनि उपस्थिती रह्यो । यसका साथै, सोनाली बेन्द्रे, ज्याकलिन फर्नान्डिस र ईशाकी भाइ बुहारी ह्लोका अम्बानीको पनि उपस्थती रह्यो ।